"Hişyariya tund ji Fermandarê Sepahê pasdaran bo dijminan/ Xeta nekin!"

"Li gorî rapora nûçegihanê çandî yê Ajansa Navneteweyî ya Ehl-ul Beytê (s.x) -EBNA-Ji Hormozganê, bi hazirbûna Fermandeyê Giştî yê Sepahê Pasdaran a Şoreşa Îslamî, yek ji asîngahên binê erdî yên balafirên bêpîlot (pehpad) yên Hêzên Deryayî yê Sepahê hate nîşandan.""Serleşker Selamî di vê merasîmê de got: 'Hêzên Deryayî yê Sepahê li ser bingehê şerê dijî hêzên derveyî herêmê ava bûye û sazûman û strukturê vê hêzê bi awayekî ye ku dikare bi xweberxwe şerekî temam di nav demên dirêj de bi serkeftî birêve bibe. Ango hemû pêkhateyên şerekî temam di destê wê de hene; ji mîsîlên balîstîk yên nîşangir ên dijî keştiyan heta mîsîlên krûz ên di menzîlên cuda dijî hedefên sabît û livok, hemî hene.'
Fermandeyê Giştî yê Sepahê diyar kir: 'Ya ku îro gelê xweşik ê Îranê dibînin, beşekî piçûk ji qewetê mezin ê pehpadên Hêzên Deryayî yê Sepahê ye. Pehpadên ku ev hêz di destê xwe de digire, ji teknolojîyên herî modern û pêşketî yên pehpadên cîhanê sûd werdigirin û destê fermandeyên me ji bo her cure darbehan vekirin û di plansaziyê de elastîkî didin.'
Fermandeyê Giştî yê Sepahê Pasdaran a Şoreşa Îslamî rave kir: 'Gelê me yê ezîz bizanin ku em bi destên tijî li ber dijminên me rawestiyane û nîşandana hêzê me niha rastkirina hesabên xelet ên dijminan e. Ji ber ku dijminên me jî divê heya derekê bi rastiyê hêza me nas bibin, da ku ji ber nezanîna wan ji qewetê me, neçepeçûr û xeletî di hesab û muhakemeyên xwe de nekin. Ji karên ku dê bibe ziyana wan, dest berdin.'
Serleşker Selamî diyar kir: 'Ev bingehêk di doktrîna parastinê ya me ye ku, heke dijminê me ji her cihê ku bikeve dijî menfaet û hedefên me, em ê wê cihê û her cihê din ku menfaeta dijmin lê hebe, bikin hedef û lê bixin. Ji ber vê yekê em îlan dikin ku her cihê li her welatê ku bibe destpêka êrîşê, wê cihê ji bo me bibe armanca êrîşê. Ango wê derê ya ku êrîş lê dest pê kiriye, dê bibe armanca me.'
Dawiya Peyamê/